Сағадиев латын қарпi жайлы: Мұғалiмдерден бастаймыз

Үкiмет отырысынан кейiн берген сұхбатында ҚР Бiлiм және ғылым министрi Ерлан Сағадиев латын қарпiн енгiзу жұмысын мұғалiмдерден бастайтынын айтты, деп хабарлайды Baq.kz тiлшiсi.

«Латын қарпi бекiтiлсе, оны енгiзу кестесiн жасаймыз. Енгiзу кестесiн депутаттармен, халықпен ақылдаса отырып жасап, президентке көрсетемiз. Осыдан кейiн барлығы бiр келiсiмге келсе, кестеге сәйкес жұмыстарымызды жасай беремiз. Ең алдымен бiз мұғалiмдердi даярлауымыз керек. Ұстаздар жеткiлiктi болғанда, олар өздерi «ендi енгiзуге болады» деп айтқан жағдайда, жұмысты одан әрi жалғастырамыз. Жалпы, дайындық жұмыстарына қанша уақыт кететiнiн бiлмеймiн. Қазiр бұл туралы айту ерте. Бүгiнгi уақытта халықты шулатпай, алдымен бiр әлiппеге тоқталу керек», - деген министр елiмiзде ұсынылған латын әлiпбиiнiң екi нұсқасының да өзiне ұнағанын айтты.

Еске сала кетсек, кеше Елбасы мемлекеттік тілді латын қарпіне көшіру жөніндегі жобаны іске асыру үшін құрылған жұмыс тобының мүшелерімен кездесті.

baq.kz

You have no rights to post comments