Клиникалық мамандықтар бойынша ЖОО талапкерлері арнайы емтихан тапсырады

Келесі жылдан бастап елімізде медицина саласындағы клиникалық мамандықтар бойынша жоғары оқу орнына түскісі келетін азаматтар ҰБТ-дан бөлек арнайы емтихан тапсыратын болады. Бұл жөнінде бүгінгі брифинг барысында ҚР ДСМ Ғылым және адами ресурстар департаментінің директоры Айгүл Қаптағаева мәлімдеді, деп хабарлайды Baq.kz тілшісі.

    «Расында да, қабылдау комиссиясы сертификаттың түпнұсқалығын тексеруін және оны растауын міндеттейтін норма жоқ. Сол себепті біз Денсаулық сақтау министрлігі ретінде Білім және ғылым министрлігіне мұндай құжаттардың шынайылығын растауды қарастыратын өзгерісті әрекет етуші нормаларға енгізу туралы ұсыныс жасадық. Сонымен қатар, естеріңізде болса, бұрындары жоғарғы оқу орнына түсу үшін емтихан тапсырудан бөлек талапкерлермен сұхбаттасу жүргізілетін. Оның нәтижесінде талапкердің болашақ мамандығына кәсіби қабілеттілігі анықталатын. Қазір Мәжілісте қаралып жатқан Білім туралы заңға оқуға түсу кезінде арнайы емтихан тапсыруын міндеттейтін өзгеріс енгізілуін талап етіп жатырмыз. Арнайы емтихан клиникалық мамандықтар бойынша оқуға түсетіндер үшін қарастырылады. Ол психологиялық тестілеу түрінде болуы мүмкін. Қазір түрі нақтылануда. Бұл емтихан келесі жылдан бастап енгізіледі. Заңға өзгертулер мақұлданғаннан кейін біз осы жылдың ішінде бүкіл нормативтік базаны әзірлейтін боламыз. Сондай-ақ, психологиялық тестілеуді әзірлеуге лицензиялары бар ұйымдармен жұмыстар жүргізіп, пилоттық режимде сынақтан өткіземіз», - деді Қаптағаева.

Оқушылардың қоштасу кешінің күні бегілі болды

Қазақстандағы мектептерде қоштасу кеші 2018 жылдың 15 маусымында өтеді. Бұл туралы ҚР білім және ғылым министрі Ерлан Сағадиевтың блогында айтылды, деп хабарлайды Baq.kz ақпарат агенттігі.

    «ҚР Білім және ғылым министрлігі 2017-2018 оқу жылының мектеп бітірушілеріне салтанатты түрде аттестат тапсыратын күнді 2018 жылдың 15 маусымына белгіледі. Шараның ұйымдастырылған тұрғы да өтуі үшін Астананың 20 жылдығына арналған «Ел жүрегі — Астана» бітіру кешінің тұжырымдамасы жасақталды», — делінген хабарламада.

Бұған дейін оқу жылының аяқталу мерзімі мен мектептердегі соңғы емтихандардың уақыты белгіленгені хабарланған.

Сонымен, 9 (10) сынып оқушылары үшін қортынды емтихандар 28 мамыр мен 8 маусым аралығында өтеді. Ал, мемлекеттік емтихандар 29 мамыр мен 30 маусым аралығында өтеді. Сонымен қатар, 11 (12) сынып оқушылары үшін емтихандар 29 мамырдан 9 маусым аралығында өтеді.

baq.kz

Мектеп сөмкесінің салмағы нормаланбаған - Білім министрлігі

АСТАНА. ҚазАқпарат - ҚР Білім және ғылым министрлігі мектеп оқулықтарының салмағына қойылатын талаптарға қатысты түсініктеме берді, деп хабарлайды ҚазАқпарат.
«ҚР Ұлттық экономика министрінің 2015 жылғы 19 тамызда №611 бұйрығымен бекітілген оқу басылымдарының гигиеналық нормаларында (гигиеналық нормативтер) бір оқу басылымының салмағына, оқу басылымын дайындау үшін қолданылатын материалға, оқу басылымының басылуы мен түптелуіне, басылымның мәтіндік ақпараттарының безендірілуіне талаптар айқындалған», - деп атап өтті министрлік редакцияның ресми сауалына берген жауабында.
Ведомство баспасөз қызметінің түсіндіруінше, гигиеналық нормативтер түзету білім беру ұйымдарында оқитын есту, сөйлеу және көру қабілеттері зақымдалған балаларға арналған оқу басылымдарында, сонымен қатар қосымша білім беруге арналған оқу басылымдарында қолданылмайды.
 «Аталған гигиеналық нормативтерде мектеп сөмкесінің барынша рұқсат етілетін салмағы айқындалмаған. Соған сәйкес мектеп сөмкелерінің барынша рұқсат етілген салмақтың арту деректері ресми тіркелген жоқ», - деді Білім және ғылым министрлігінің баспасөз қызметінен.
 Айта кетейік, министрлік мемлекеттік білім беру ұйымдарының оқушылары мен тәрбиеленушілерін оқулықтармен және оқу-әдістемелік кешендерімен қамтамасыз етудің ережесіне (ҚР Білім және ғылым министрінің 2016 жылғы 28 қаңтардағы №91 бұйрығы) сәйкес 2018 жылдан бастап оқулықтың электронды нұсқасын қоса ұсынатын болады.

kazinform.kz

Депутаттар электронды күнделіктің білім жүйесіне қалай енгізілгенін тексеруді талап етті

АСТАНА. ҚазАқпарат - Парламент Мәжілісінің депутаттары kundelik.kz бағдарламасының қайдан келгенін, Қазақстандағы білім жүйесіне қалайша енгізілгенін тексеруді талап етті, деп хабарлайды «ҚазАқпарат» ХАА тілшісі.

«Мемлекеттік органдардың мемлекеттік сатып алу кезінде отандық бизнестің шетке ысырылып жатқаны туралы шағымдар келіп түсіп жатыр. Соның бірі - көпке бұрын белгілі болмаған kundelik.kz бағдарламалық өнімі. Оның мазмұны мен кімге қажетті екеніне тиіспей тұрып, ол бағдарламаны жасаушыларға мән бермей қоюға болмайды. БАҚ-қа сенсек, 2016 жылдың наурызында әзірленген бағдарламаның құрылтайшысы «Кundelik» ЖШС - қазақстандық заңды және жеке тұлғалармен бірге РФ-ның «Дневник.ру» жауапкершілігі шектеулі қоғамы болып табылады. Бұған қоса қазақстандық компанияның 45 пайыздық үлесі - «Дневник.ру» ЖШО-ға тиесілі. Дәл ресейлік платформаның базасында қазақстандық электрондық күнделік жұмыс істеп тұр», - деді бүгінгі Мәжіліс отырысында депутат Кеңес Абсаттиров БҒМ басшысына сауал жолдай отырып.

Мектеп мұғалімдері ағылшын тілін білуге міндеттеле ме

АСТАНА. ҚазАқпарат - Білім және ғылым министрлігінің өкілі мектеп мұғалімдерін, соның ішінде егде жастағы ұстаздарды ағылшын тілін меңгеруге міндеттеу мәселесі бойынша сұраққа жауап берді, деп xабарлайды ҚазАқпарат тілшісі.