Ғалымдарымыз жаңа талапқа сай емес – БҒМ

Бүгінде ғылым мен өндірісті біріктіруге бағытталған негізгі жұмыстар басталды. Нақты айтсақ, отандық жоғары оқу орындарына академиялық және басқару дербестігі беріліп жатыр. Сондай-ақ, ғалымдар нарық сұранысына сай ғылыми зерттеулер жүргізу қажет. Алайда, олардың көпшілігі бұл талапқа сай емес. Бұл туралы Baq.kz тілшісіне ҚР БҒМ Жоғары және жоғары оқу орнынан кейінгі білім департаментінің директоры Дархан Ахмед-Заки мәлімдеді, деп хабарлайды Baq.kz тілшісі.

    «Дамыған мемлекеттерде ғылым мен өндірісті бір арнаға тоғыстыру саясаты үштұғырлы парадигма негізінде жүргізіледі. Ол – мемлекет, бизнес және университет. Сондықтан университеттер ішінде жүзеге асырылып жатқан ғылыми ізденістер мен жобалардың барлығы теориялық тұрғыдан ғана емес, өндірісте де нақты сұранысқа ие болуы керек», - дейді ол.

Дархан Ахмед-Закидің пікірінше, бүгінде ғылымды тиісті дәрежеде дамытуға ескі көзқарастар әсер етуде.

Сағадиев қызметкерлерін жұмыстан уақытында жібереді

АСТАНА. ҚазАқпарат - ҚР Білім және ғылым министрі Ерлан Сағадиев өз қызметкерлерін жұмыстан уақтылы үйлеріне жібереді, деп хабарлайды ҚазАқпарат.

«Жұмыстан 18-00-де жіберетін боламыз. Қорықпаңыздар. Қазірдің өзінде біз жұмыстан дәл осы уақытта босатудамыз.  Бүгінде барлық сәттерді қарастырып, келісудеміз. Біз өзіміз сағат 18-00-де жұмыстан босатуға тырысамыз. Бізде еңбек заңнамасы талаптарын барынша қатаң орындау туралы нұсқаулық болды. Мен бұл істі Үкіметтен бастауды ұсындым. Өйткені, егерде оны әуелі Үкімет бастайтын болса, соған орай қалғандарына да біршама жеңіл болар еді. Біз өзіміздің министрлікте бұл процесті бастадық. Бұл қандай нәтиже беретіндігін күтейік», - деді Сағадиев «Bolashak Alumni Reunion Conference and Education Fair - 2016 (BARCEF - 2016)» "Болашақ" бағдарламасының III халықаралық конференциясы асында БАҚ өкілдеріне берген сұхбатында.

Айта кетейік, осы аптада өткен Үкімет отырысында еліміздің білім және ғылым министрі Ерлан Сағадиев мемлекеттік қызметшілерді үйлеріне, балаларының жанына кешкі 6-дан кейін жіберу қажет деген бастама көтерген болатын.

«Ата-аналардың балаларды тәрбиелеудегі рөлі мен жауапкершілігі төмендеп кетті. Ата-аналар үнемі жұмыста болғандықтан, баланың тәрбиесімен айналысуға уақыты болмайды. Оның ішінде мемлекеттік қызметкерлер де көп. Қазіргі уақытта тек 10-12 пайыз ата-аналар ғана мектептегі жиналысқа қатысады. Біздің есебіміз бойынша, ата-аналардың 50 пайызы 11 жылдың ішінде мектептерге келмейді. Біздің ойымызша, ата-аналарды сағат 6-дан кейін уақытында үйлеріне, балаларына жіберу тәжірибесін бастау қажет», - деді Сағадиев.

inform.kz

Білім беру саласындағы өзгерістерді білесіз бе?

Білім беру саласы аясында көптеген сұрақтар орын алып отыр. Сіздердің назарларыңызға ҚР Білім министрлігінің білім саласының ең өзекті 12 сұрағының жауаптарын ұсынамыз.

 1-сұрақ

Орта білімнің жаңартылған мазмұнына көшуде Жаңартылған білім мазмұны не үшін қажет?

Бүгінгі бала – еліміздің ертеңгі маманы. Ол XXI ғасырда бәсекеге қабілетті әрі табысты болуы үшін еңбек нарығында сұранысқа ие болуы қажет. Біздің қазіргі кезде балаларға үйретіп жүргеніміздің барлығы, атап айтқанда, оқу- жазу дағдылары, математика, қаржы, мәдениет және азаматтық сауаттылық, ақпараттық коммуникациялық технологиялар – бәрі де күнделікті тұрмыстың қарапайым мәселелерін шешуге ғана мүмкіндік береді. Өзгермелі өмір болса, адамның күрделі тапсырмаларды орындай білуін талап етеді. Мұндай қабілет қалыптастыру үшін оқушыларға классикалық білім берумен қатар, сыни, шығармашылық ойлауға, топ ішінде жұмыс жасауға үйрету керек. Балалардың бойына білім құмарлық, ынталылық, табандылық, көшбасшылық қасиеттерді, әлеуметтік және мәдени сапаларды сіңіру қажет. Осының барлығы классикалық біліммен бірге жаңартылған орта білім мазмұнына енген. Елімізде жаңартылған оқу бағдарламаларын әзірлеу және сынақтан өткізу бойынша ауқымды жұмыстар жүргізілді. Біз онымен бес жылдам астам уақыт бойы айналыстық. Бағдарламалар 30 пилоттық мектепте сынақтан табысты өтті. Кәдімгі қалалық және ауылдық мектептерге бейімделген бұл бағдарламалар оң нәтижесін көрсетті. Біз мектеп мұғалімдерінің, оқушылар ата- аналарының ризашылығы мен қолдауына ие болдық. Мұғалімдер оқыту процесінің жеңілдене түскенін жеткізді.

Сағадиев 2017 жылы енгізілетін ҰБТ жаңалықтарын түсіндірді

АСТАНА. ҚазАқпарат - Бүгін Үкімет отырысынан кейінгі брифингте ҚР білім және ғылым министрі Ерлан Сағадиев 2017 жылы Ұлттық бірыңғай тестілеуге енгізілетін жаңалықтарды түсіндіріп берді.

«Қазір ҰБТ бойынша түпкілікті жоба әлі жоқ. Ол педагогикалық қоғамдастық талқылауына ұсынылады. Жалпы, жоба талқылауға дайын тұр. Ол мектептерде бірнеше пәннен түлектердің емтихан тапсыруына қарастырады. Ал ҰБТ  жалғыз ғана, сұрақтар құрылымы өзгеріске ұшырайды», -  деді ол.

Оның нақтылай түсуінше, жобада 100-ден астам сұрақтың болуы көзделген.

«Оның 60 сұрағы математикаға, жылдам оқуға, түсінуге қатысты болады. Ол барлығына да бірдей. Талапкердің болашақта таңдайтын мамандығына қатысы бар 60 сұрақ  30 сұрақтан 2 блогқа бөлінген.  Егер шартты түрде айтар болсақ, түлек медицинаға түсетін болса, онда ол 60 стандартты сұраққа жауап береді. Оның 30 сұрағы биологияға, ал келесі 30-ы химияға қатысты. Ұпай жинайды. Қалған процедура айтарлықтай өзгеріссіз қалады»,-  деді Е.Сағадиев. 

Оның сөзіне қарағанда, бұл жоба қазіргі уақытта толықтай дайын және педагогикалық қоғамдастықтың шағын бөлігіне талқылауға берілген.

«Талқыланғаннан кейін біз жобаны ҚР БҒМ сайтында жариялап, пікір қабылдай бастаймыз», - деді министр.

inform.kz

БҒМ вице-министрі Бибігүл Асылованың алғашқы сұхбатындағы 4 басты жаңалық

Жақында тағайындалған БҒМ вице-министрі Бибігүл Асылова алғашқы сұхбатын «Бiлiмдi ел – Образованная страна» газетіне берген екен. Білім саласының экономика және қаржы жағына жауап беретін вице-министр алдағы уақытта жүзеге асатын жобалар туралы толығырақ айтып өтіпті. Соның ішінде басты жаңалықтар: мұғалімдерге ағылшын тілін үйрету, мектепке дейінгі дайындық, мектеп құрылыстары және мұғалімдерді қағазбастылықтан құтқаратын, ата-аналарға балаларының үлгерімін қадағалауға көмектесетін Kundelik жобалары.