Егер мұғалімдердің әлеуметтік жағдайы жақсарса, олардың аянып қалмасы анық – ұстаз

ҚР Парламент Мәжілісі отырысында депутат Ирина Смирнова білім беру саласындағы қаржыландыру мәселесін көтеріп, қазақстандық мұғалімдердің жалақысын мың долларға жеткізу бастамасын көтерген болатын. Осы орайда BNews.kz тілшісіне №54 мектеп-лицейі биология пәнінің мұғалімі Нағима Жиенбекова осы мәселеге қатысты өз пікірін айтты.

«Әрине, мен депутаттың бұл ұсынысын қолдаймын.  Мысалы, менің мектепте жұмыс істеп жүргеніме 20 жыл болды. Еңбекақым – 100 мың теңге. Ал жас ұстаз 50-55 теңге жалақы алады. Мұғалім таңертеңнен қара кешке дейін білім ордасында жұмыс істейді. Оған артылған жауапкершілік те өте жоғары. Сондай-ақ, біз елде болатын барлық қоғамдық шараларға тартыламыз. Яғни, өз жұмысымызбен қатар, қосымша жүктелген міндетті атқаруға жауаптымыз», - дейді ұстаз.

Сонымен қатар, Нағима Жиенбекова елімізде қаншама мұғалімнің үй жалдап, сандалып жүргенін ашына айтты. Оның пікірінше, Үкімет осы мәселені назардан тыс қалдырмауы қажет.

«Үкімет үй мәселесін қарастырса. Себебі, қалаларда мұғалімдер жалақысының мардымсыздығына қарамастан үй жалдап тұруға мәжбүр. Бұдан бөлек, үйсіз-күйсіз жүрген ұстаздар мектепке байлаулы. Сондықтан оның жеке өмірінде де барлығы жайлы болуы шарт. Егер мемлекет мұғалімдердің әлеуметтік жағдайын көтерсе, олардың да аянып қалмасы анық», - дейді Нағима Жиенбекова.

Естеріңізге сала кетейік, кеше ҚР Парламент Мәжілісінің отырысында депутат Ирина Смирнова білім беру саласын қаржыландыру мәселесін көтеріп, қазақстандық мұғалімдердің жалақысы тым аз екенін айтқан. Халық қалаулысы мұның бәрін депутаттық сауалда көрсетіп, Үкімет басшысының атына жолдады.

Халық қалаулысының айтуынша, бүгінде Дания, Исландия және тағы басқа Еуропа мемлекеттерінде білім беру саласына ішкі жалпы өнімнің 6-9 пайызы бөлінеді. Соның нәтижесінде Германияда ұстаздардың жалақысы 4 мың еуроға дейін жетеді. Ал көрші Қытайда мектеп мұғалімдері кем дегенде 1 мың АҚШ долларын алады.

«Ал бізде мұғалімдердің еңбекақысы – 40-50 мың теңге. Сыныпқа жетекшілік еткені үшін 5 мың теңге ғана қосады. Ондай жүйемен білім беру саласын дамыту қиын. Қазақстанда білім беру саласын қаржыландыру көлемін ішкі жалпы өнімге шаққанда 6-9 пайызға жеткізуі тиіс», - дейді депутат Смирнова.

bnews.kz

2019 жылдан бастап мектеп бағдарламасына «Кәсіпкерлік негіздері» пәні енгізіледі

АСТАНА. ҚазАқпарат - 2019 жылдан бастап мектеп бағдарламасына «Кәсіпкерлік негіздері» пәні енгізіледі. Бұл туралы бүгін «Білім беруды дамытудың перспективті модельдері» тақырыбындағы дөңгелек үстел барысында «Атамекен» ҰКП басқармасы төрағасының орынбасары Мұрат Әбенов мәлім етті .

Ол кәсіпкерлікке баулу білім берудің барлық деңгейінде, мектеп қабырғасынан бастап жүргізілуі тиіс екендігін баса айтты.

«Әлемнің көптеген елдерінде, мәселен, Дания мен Скандинавия елдерінде кәсіпкерлікке баулу мектеп бағдарламасының оқу процесіне енгізілген.  Осы орайда Ұлттық кәсіпкерлер палатасының ұсынысын қолдаған еліміздің Білім және ғылым министрлігіне ризашылығымызды білдіреміз. 2019 жылдан бастап мектеп бағдарламасына «Кәсіпкерлік негіздері» пәні енгізіледі»,  - деді М.Әбенов..Шараға мәртебелі мейман ретінде Израильдің бұрынғы Білім министрі, саясаткер Шай Моше Пирон да қатысып, өз ойларымен бөлісті. «Көптеген елдер білім саласында реформа жасауға тырысқан кезде өзге мемлекеттердің тәжірибесіне жиі арқа сүйеп жататыны бар. Бұл ретте олар өздерінің білім беру ерекшеліктерін, өздерінің мәдениетін қаперден шығарып алады. Балалар ең бірінші кезекте өзі өмір сүріп жатқан жерді сезінуі тиіс. Бұл білім беру негізінің бірі. Инновация деп оны естен шығаруға болмайды», - деді шетелдік мейман. 

inform.kz

Қағаз үйіндісіне көмілген ұстаз кемел білім бере ала ма - БАҚ

АСТАНА. ҚазАқпарат - Соңғы уақытта мұғалім болғысы келетіндердің қатары сиреп барады. Білікті педагогтардың тапшылығы ауылда ғана емес, қалада да айқын аңғарыла бастады, деп жазады «Түркістан» газеті.

8 қыркүйек - халықаралық сауаттандыру күні. Бұл атаулы күнді ЮНЕСКО 1965 жылы 8 қыркүйекте Тегеранда өткен Білім министрлерінің  Бүкіләлемдік сауатсыздықты жою жөніндегі конференциясының ұсынысы бойынша енгізді. ЮНЕСКО дерегіне сүйенсек, бүгінде   әлемде  774  миллиондай    адам,  яғни  әрбір бесінші  ересек  не жаза, не оқи алмайды және  75  миллион   бала    мектеп   жүйесінен тыс  қалып отыр. Сондықтан өрендеріміздің орта біліммен толық қамтылғанына шүкірлік еткен жөн. Сауаттылық деңгейі жөнінен әлем бойынша 177 елдің арасында 14-орында тұрған Қазақстан азаматтарының көзі ашықтығы - таңнан қара кешке дейін күнін мектепте өткізетін аяулы ұстаздардың арқасы. Бірақ соңғы уақытта мұғалім болғысы келетіндердің қатары сиреп барады. Білікті педагогтардың тапшылығы ауылда ғана емес, қалада да айқын аңғарыла бастады.

Сабақтан қашқан оқушылардың ата-анасы айыппұл төлейді

Бір реттік айыппұл 7 айлық есептік көрсеткіш көлемінде. Бұл 15 мың теңгеге жуық қаржы. Ал сабақтан қашу фактілері қайталанса, ата-аналарға 42 мың теңгеден астам ақша төлеуге тура келеді.

Алайда кейбір ата-аналар бұл айыппұлдардан да қорқатын емес. Амалы таусылған өскемендік ұстаздар полицейлермен бірге «Балаларды мектепке қайтарайық» атты акция ұйымдастырып, үй-үйді аралады. Сабаққа бармайтын балалардың ата-аналары негізінен ішімдікке салынғандар. Мәселен, Арина Тарасова биыл 1 сыныпқа баруы керек болған. Бірақ 1 қыркүйектен бері мектеп табалдырығын аттамапты. Қызының қайда екенінен маскүнем анасы да бейхабар.

    «127-ші бап бойынша әкімшілік айыппұл белгіленеді. 60 сағат бойы сабақты босатса, әкімшілік айыппұл 7 АЕК. Жағдай қайталанса, екінші айыппұл 20 АЕК көлемінде болады. Қазір материал жинап жатырмыз. Көршілерінен сұраймыз. Егер негіз болса, ата-ана құқығынан айырамыз», - дейді Ернұр Рахимов, Өскемен қалалық ІІБ кәмелетке толмағандар ісі инспекциясының инспекторы.

baq.kz

12 жылдық білім берудегі екпін кең шоғырлы дағдыларды дамытуға қойылып отыр - Э. Суханбердиева

АСТАНА. ҚазАқпарат - Мемлекет басшысының бес институционалдық реформаны жүзеге асыру жөніндегі 100 нақты қадам - Ұлт жоспарының 76-қадамында ЭЫДҰ елдері стандарттарының негізінде адам капиталының сапасын көтеру, 12 жылдық білім беруді кезең-кезеңімен енгізу, функциялық сауаттылықты дамыту үшін мектептегі оқыту стандарттарын жаңарту қарастырылған. Біздің тілшімізбен әңгіме барысында ҚР Білім және ғылым вице-министрі Эльмира Суханбердиева білім берудің 12 жылдық моделін енгізудің мән-жайын айтып берді.

- Эльмира Амангелдіқызы, Қазақстанда 12 жылдық жалпы орта білімнің моделіне көшу қашан жүзеге асырылады және осы модельмен барлық орта мектептер қамтыла ма?

- 12 жылдық жалпы орта білім барлық мектептерде 2019-2020 оқу жылында іске асырылады.

- Жаңа оқу бағдарламалары әзірленді ме? Орта мектеп оқушылары алатын білім көлемі айтарлықтай арта ма?