Жұмыс тәжірибесінен. 4 сынып оқушыларына арналған «Айналамыздағы әлем» тақырыбында экологиялық және оқу сауаттылығын дамыту бойынша қолданбалы оқыту курсының авторлық бағдарламасы курсынан қысқа мерзімді сабақ жоспары.

Бұл сабақта оқушылар күз мезгілінде жануарлардың тіршілігімен танысады және олардың суыққа бейімделу жолдарын түсінеді. Сабақ барысында балалар жануарлардың қор жинау, ұйықтау және қоныс аудару секілді бейімделу түрлерін салыстыра отырып, күздегі жануарлардың мінез-құлқын сипаттауды үйренеді. Топтық жұмыстар мен ойындар арқылы оқушылар өз ойларын дәлелдеп жеткізуге дағдыланады, сонымен қатар табиғатқа деген қызығушылықтары артады. Кілт сөздер: күз мезгілі, жануарлар тіршілігі, бейімделу, қор жинау, ұйықтау, қоныс аудару, табиғат, бастапқы сынып, топтық жұмыс, оқу ойындары, экологиялық тәрбие.