«Бастауыш сыныпта оқушылардың тілдік құзіреттілігін дамыту»

Түсінік хат Қазіргі білім беру жүйесінде басты мақсат – оқушының тұлғалық дамуын қамтамасыз ету, оның бойында өмірлік құзыреттерді қалыптастыру. Соның ішінде тілдік құзыреттілік – оқушының ойлау, сөйлеу, өз ойын еркін жеткізу, түсіну, қарым-қатынас жасау қабілеттерін дамытудың негізгі тетігі. Бастауыш буын – баланың тіл негізін қалап, танымдық және коммуникативтік қабілеттерін жетілдіретін аса маңызды кезең. Бұл авторлық бағдарлама 2-сынып оқушыларының жас ерекшелігі мен психологиялық дамуына сай дайындалған. Бағдарламада оқушылардың қазақ тілін меңгеру, сөздік қорын байыту, байланыстырып сөйлеуін дамыту, мәтінмен жұмыс жасау, шығармашылық қабілетін жетілдіру бағыттары қамтылған. Тілдік құзыреттілікті дамыту тек грамматикалық біліммен шектелмейді; ол – оқушының тілдік мәдениетін, сөйлеу этикасын, әдеби тіл нормасын сақтауын және ойын жүйелі жеткізуін қалыптастырады. Сондықтан бағдарламада сабақтар тек дәстүрлі әдістермен ғана емес, ойын, диалог, жағдаяттық тапсырмалар, шығармашылық ж