Геометрия негіздері: кеңістікті танудың бастау бұлағы

«Геометрия негіздері» – 7-сынып оқушыларына арналған авторлық курс. Бұл бағдарлама оқушылардың кеңістіктік ойлауын, логикалық пайымдауын, дәлелдеу дағдыларын дамытуға бағытталған. Курс мазмұны жаңартылған білім беру мазмұнына сәйкес құрылып, өмірлік мысалдар мен практикалық тапсырмалар арқылы пәнге деген қызығушылықты арттыруды көздейді. Бағдарламада геометриялық ұғымдарды кезең-кезеңімен меңгеруге, теориялық білімді практикада қолдануға мүмкіндік беретін тапсырмалар жүйесі ұсынылған. Сонымен қатар оқушылардың шығармашылық қабілетін жетілдіру және топтық жұмыста белсенділігін арттыру мақсатында әртүрлі әдістемелік тәсілдер қолданылған. «Геометрия негіздері» – бұл тек геометриялық білім беру құралы ғана емес, оқушыларды логикалық, жүйелі ойлауға және өмірмен байланыстыра отырып үйренуге баулитын тиімді әдістемелік бағдарлама.