«Халық дәстүрі – асыл қазына»

Бұл тәрбие сағаты қазақ халқының салт-дәстүрлерін дәріптеуге, жас ұрпақтың ұлттық құндылықтарға деген құрметін арттыруға бағытталған. Іс-шара барысында оқушылар халқымыздың әдет-ғұрыптары, тәрбиелік мәні зор дәстүрлермен танысып, ұлттық нақыштағы суреттер, мақал-мәтелдер, нақыл сөздер арқылы білімдерін жетілдіреді. Сабақта оқушылар үш топқа бөлініп («Тұлым», «Тұмар», «Жеті қазына»), дәстүрлер бойынша сұрақтарға жауап береді. Сондай-ақ, «Бесікке салу», «Тұсау кесу», «Ашамайға мінгізу» секілді дәстүрлерге тоқталып, олардың мән-маңызын талдайды. Іс-шараның тәрбиелік мәні жоғары: ұлттық рухты оятып, отбасы құндылықтарына, туған жерге деген сүйіспеншілікті арттырады. Сабақтың соңында оқушылар бата беріп, ұлттық дәстүрлерді ұмытпай, жаңғыртып отыру керектігін түйіндейді.