«Халықаралық терроризммен күрес: жаһандық қауіптер жəне шешу жолдары»

Халықаралық терроризм XXI ғасырдағы ең ауқымды жəне қауіпті қауіптердің біріне айналды. Ол əлемдік қауымдастықтың көптеген аспектілеріне, əсіресе халықаралық қауіпсіздік, қоғамдық тыныштық, саяси тұрақтылық пен экономикалық даму салаларына қатер төндіреді. Терроризмнің негізгі ерекшелігі — оның тек аймақтық емес, ғаламдық мəселеге айналуы, ол бүкіл əлем бойынша адамзаттың қауіпсіздігі мен бейбітшілігін бұзатын құбылыс болып табылады. Террористік ұйымдар өздерінің саяси, идеологиялық немесе діни мақсаттарын жүзеге асыру үшін зорлық-зомбылықты, қорқыту мен үрей туғызуды негізгі құрал ретінде қолданады. Бұл əдістер қоғамды тұрақсыздандырып, зор шығындарға əкеледі. ХХ ғасырдың соңында терроризм көбінесе аймақтық шектеулермен байланысты болса, қазіргі кезде ол жаһандық сипатқа ие болып, трансұлттық ұйымдардың қатысуымен кең таралған. Қазіргі терроризмнің дəстүрлі үлгілерімен қатар, жаңа түрлері пайда болуда, оның ішінде кибертерроризм, əлеуметтік желілер арқылы экстремистік идеяларды тарату