«Инклюзивті ортадағы қауіпсіздік: әр балаға қамқорлық»

Инклюзивті топтағы балалардың физикалық және психологиялық қауіпсіздігін қамтамасыз ету бағытындағы жұмыстар талқыланды. Тәрбиеші «Психологиялық қауіпсіздік бұрышы», «Қауіпсіз ойын ережесі», «Менің денем – менікі» сияқты тәжірибелік жаттығуларды таныстырып, қиын балалармен жеке жұмыс жүргізудің нақты әдістерін көрсетті. Педагог әр баланың өзін қауіпсіз, қабылданған және бағаланған сезінуі үшін қандай әрекеттер маңызды екенін түсіндірді. Нәтижесі: топтағы қамқорлық пен сенім атмосферасын қалыптастырудың тиімді тәсілдері көрсетілді.