Жасанды интеллект құралдарын оқу процесіне енгізу арқылы білім сапасын арттыру

Қазіргі білім беру жүйесінің басты мақсаты – оқушыларды XXI ғасыр дағдыларымен қаруландыру, сапалы білім беру және заманауи технологияларды тиімді қолдану арқылы оқу нәтижелерін жақсарту. Осы тұрғыдан алғанда, жасанды интеллект (ЖИ) құралдарын білім беру процесіне енгізу маңызды міндеттердің біріне айналып отыр.Жасанды интеллект технологиялары мұғалімнің жұмысын жеңілдетіп қана қоймай, оқытудың тиімділігін арттыруға, білім алушылардың жеке қажеттіліктерін ескеруге және оқу процесін дербестендіруге мүмкіндік береді. Бұл бағыттағы жұмысты ұйымдастыруда оқу ісі жөніндегі орынбасардың басқарушылық қызметі ерекше маңызға ие.