Кәсіби және бұқаралық әдеби сын: мазмұн, мақсат, аудитория

Бұл мақалада әдеби сынның қазіргі мәдениеттегі орны мен маңызы қарастырылып, оның екі негізгі бағыты – кәсіби және бұқаралық сынның ерекшеліктері салыстырмалы түрде талданады. Кәсіби сынның ғылыми-теориялық негізі, зерттеушілік сипаты және әдеби шығармаларды терең талдаудағы рөлі айқындалса, бұқаралық сынның оқырманға бағытталған қолжетімді тілі, ақпараттық және эмоционалды мазмұны сипатталады. Сонымен қатар, қазіргі қазақ әдеби сынының даму үрдістері, жаңа әдіснамалық бағыттар мен сыншылардың еңбектері сараланады. Мақалада әдеби сынның екі түрінің де әдеби үдерісті түсіндіру мен оқырман талғамын қалыптастырудағы өзара толықтырушы қызметі негізделеді.