Келестік он жеті жасар оқушы Дубайға демалуға жолдама жеңіп алды

Келестік он жеті жасар оқушы Дубайға демалуға жолдама жеңіп алды Келес ауданы, N4 Ж. Баласағұн атындағы жалпы білім беретін мектебінің 11-сынып оқушысы Турсинбаева Тоғжан Ерболқызы “Зерделі” ақыл-ой дамыту мектебінің бас жүлдесін және әдемге танымалы Дубай қаласына демалуға жолдама жеңіп алды. Түркістан облысы бойынша жалғыз жеңімпаз аудан абыройын асқақтатты. Жас шәкірт болашақта дипломат болғысы келетіндігін айтады: — Ұлттық бірыңғай тестілеуде дүниежүзі тарихы мен ағылшын тілі пәндерін таңдадым. Болашақта дипломат болғым келеді. Дубайға “Зерделі” оқу орталығының адамдарымен барамын. Бұл жоба негізінен балалардың оқуға деген қызығушылығы,зейінін арттыру үшін дайындалған,-дейді Тоғжан Ерболқызы. Айта кету керек, Тоғжанның анасы өзі оқитын білім ордасында математика пәнінен сабақ берсе, әкесі Түркістан облысы жастар құрамасының бапкері. Қазіргі таңда N4 Ж. Баласағұн атындағы жалпы білім беретін мектебінде 600-дентаса оқушы білім алады.