мақала

Халықтық педагогика жас ұрпаққа өмір тәжірибесінен халықтың сенім, наным танымын жинақтап, әдеп пен өнеге беру үшін атадан балаға ауызша жалғасып келе жатқан қағида –жасаушысы халық. Халқымыздың тәлімдік мәні зор ой-толғаныстары бесік жырынан бастау алып батырлық эпостарда, ертегілер мен мақал, мәтелдерде, аңыздарда, шешендік өнер мен айтыс-термелерде көптеп кездеседі. Ұрпақ тәрбиесінің негізігі түйіні –адамгершілік –имандылық, ақыл-ой, еңбек, эстетика, дене тәрбиесі, отбасы тәрбиесіне келіп тіреледі. Халықтың тілін, ділін, салтын, дәстүрін, бойына дарытқан ұрпақ тәрбиелеу үшін халық педагогикасын оқу-тәрбие жұмысына негіз етіп алуға болады. Халық педагогикасының ұсынар үлгісі , берер тәлім тәрбиесі сол елдің биі, күйі, музыкасы, фольклорлық шығармалар арқылы ежелгі салт-дәстүрлері. Яғни, бала тәрбиесінің ұлттық мұрасы.