Мектеп парламенті: Жастардың өзін-өзі басқару жүйесі қалай жұмыс істейді?

Мектеп — бұл тек қана парта, кітап және емтихан тапсыратын орын емес. Мектеп — баланың қоғамдық ортаға бейімделетін, өз құқығын қорғап, азаматтық позициясын қалыптастыратын алғашқы әлеуметтік алаңы. Соңғы жылдары еліміздің білім беру мекемелерінде оқушылардың өзін-өзі басқару жүйесі жаңа сипатқа ие болып, «Мектеп парламенті» форматына көшті. бұл — жай ғана мектеп ішіндегі қызықты ойын емес, бұл — болашақ демократиялық қоғамның іргетасын қалайтын маңызды институт. Болашақ журналист ретінде мені жастардың қоғамдық белсенділігі мен құқықтық мәдениеті қатты қызықтырады. Мектеп парламентінің бала бойында жауапкершілікті оятудағы рөлі мен оның нақты құрылымы туралы сөз қозғайық.