Отбасы – адамзат бесігін тербеткен алтын ұя!»

• Топ жетекшісі Құдайберген Ә.К.: – Балалар, біз бүгін сіздермен «Отбасы – адамзат бесігін тербеткен алтын ұя!» атты тәрбие сағатымызда өте маңызды тақырыпты талқылайтын боламыз. Адам баласы жарық дүние есігін ашқан сәттен бастап, оның өмірі отбасынан басталады. Отбасы – бұл тек бір шаңырақ астында өмір сүретін адамдардың жиынтығы емес, бұл – адамгершіліктің, мейірімділіктің, сыйластықтың және отансүйгіштіктің алтын бесігі. Қазақ халқында «Ұяда не көрсең, ұшқанда соны ілесің» дейді. Колледж қабырғасында кәсіп игеріп, білім алып жатқан жас маман ретінде сіздердің бойыңыздағы ең алғашқы адами қасиеттер отбасыдан берілген тәрбиенің жемісі екені анық. Бүгінгі қысқа, бірақ мазмұнды уақытымызда отбасы құндылығын жоғары қою, ата-ана еңбегін ақтау және үлкенді сыйлау қағидаларын бірге зерделейтін боламыз.