Құрақ композициясын құрастыру жəне түстер үйлесімділігін таңдау”

КІРІСПЕ Құрақ құрау – қазақ халқының ежелден келе жатқан сəндік-қолданбалы өнерінің бірегей саласы. Ол тек тұрмыстық бұйымдарды əсемдеу мақсатын ғана емес, халықтың эстетикалық талғамын, дүниетанымын, табиғатқа деген көзқарасын жəне ұрпақтан- ұрпаққа жалғасқан шеберлік дəстүрін танытады. Бүгінгі таңда құрақ өнерін оқу үдерісіне енгізу оқушылардың шығармашылық қабілетін дамытуда, эстетикалық тəрбие беруде жəне ұлттық мəдени құндылықтарды дəріптеуде үлкен маңызға ие. Бұл бағыт оқушыларды тек көркемдік əрекетке баулып қана қоймай, геометрия, композиция, түстер теориясы сияқты пəндермен пəнаралық байланыс орнатуға мүмкіндік береді. 5–6-сынып кезеңі – балалардың қиялы, бейнелеу қабілеті, қол моторикасы ерекше дамитын уақыт. Сол себепті құрақ композициясын жасау олардың кеңістік ойлауын жетілдіреді, ұқыптылыққа, дəлдікке, шыдамдылыққа тəрбиелейді. Түстер үйлесімділігін таңдау барысында оқушылар жылы жəне суық түстерді ажыратуды, контраст пен үйлесім принциптерін қолдануды, жалпы композицияны