РЕСЕЙ БИЛІГІНІҢ ҚАЗАҚСТАНДА ДІНИ-РУХАНИ ОТАРЛАУЫ

Қазақ қоғамында дін тақырыбы қай кезеңде де аса маңызды болып, ол қоғам мен мемлекет дамуының жолында ерекше ықпал етті. Ерте орта ғасырлардан бастап қазақ жерінде кең таралған Ислам діні қазақ қоғамында дәстүрлі түрде қызмет етіп, қоғам санасына терең сіңдірілді. Бұған түркі-монғол кезеңдегі мемлекет билеушілері мен Қазақ хандығы тұсында қазақ хандарының ұстанған діни саясаты зор мүмкіндік берді. Қазақстан аумағында Исламның пайда болуының бастапқы күні VII–VIII ғасырлар болып саналады. Бірнеше ғасырлар бойы қазақ этносының қалыптасуына негіз болған түркі тайпалары Қожа Ахмет Яссауидің "Құдай барлық жерде бар" деген пікірін мойындай және құрметтей отырып, тәңіршілдікті Исламмен ұштастырды. Кейіннен XVIII ғасырдың 30-шы жылдары басталған Ресейдің ішкі провинциясына айналған қазақ территориялары белгілі бір мемлекеттік саясаттың орбитасында болды, ол әрдайым біркелкі емес, кейде бір-біріне қарама-қайшы болды.