ҰЛТТЫҚ ИНТЕЛЛИГЕНЦИЯ ТҮСІНІГІ: ТАРИХИ ӘЛЕУМЕТТІК НЕГІЗДЕГІ ФИЛОСОФИЯЛЫҚ ТАЛДАУ.

«Интеллигенция» латын сөзі, қазақ тілінде маманданған, ой еңбегімен шұғылданатын, әлеумет мүддесіне қызмет ететін, шығармашылыққа ие адамдар тобы, яғни, зиялы қауым өкілдері деген мағынаны білдіреді. Сонымен қатар, латынның intelligens сөзі қазақ тілінде: түсінетін, ойлай білетін, парасатты деген түсінікке ие. Демек, интеллигенция ұғымының мәні тарихи тұрғыда, рухани негізде халық даналығымен ұштастырылып кеңінен қарастырылуы тиіс. Кешегі өткен кеңестік үлгідегі тоталитарлық қоғам тұсында бұл ерекшелік феноменіне көңіл бөліне бермеді. «Интеллигенция» ұғымының негіздері адам - дүние қатынасы, сонымен қатар адам танымы, адам болмысы, адам іс-әрекетінің рухани қырларымен ұштастырылып зерделенуінде.