ЯДРОЛЫҚ ҚАРУСЫЗ ӘЛЕМ-ЖАРҚЫН БОЛАШАҚҚА

Еліміз егемендігін алып, тәуелсіз мемлекет болғалы да ширек ғасырдан асты. Қазақстан өз тәуелсіздігін алғаннан кейінгі жылдар ішінде көптеген жетістіктерге қол жеткізді. Тарих үшін, әрине қысқа мерзім, бірақ осы уақыт аралығында Қазақстанның әлемдік қауымдастықтың егеменді субьекті ретінде қалыптасуы үрдісінде ең маңызды мерзім болып табылады. ҚР тұңғыш президенті – Нұрсұлтан Назарбаевтың бұл бағыттағы атқарған істерінің орны бөлек екені шындық, соның ішінде халықаралық кеңістікте әлем елдерін бейбітшілікке шақырып үн қатуы адамзат баласының алдағы тағдыры үшін аса маңызды бастама болатын. Ядролық қарусыз әлем құру-Қазақстан Республикасының сыртқы саясатындағы басым бағыттардың бірі. Қазіргі заманның ең күрделі мәселелерінің бірі- Ядролық қарудан бас тарту болып табылады. Сондай-ақ мемлекетіміз әлемдегі көлемі жағынан екінші орында тұрған Семей ядролық полигонын жапты. Бұл әлем үшін мәні мен мағынасы зор үлкен маңызды тарихи оқиға болатын.