Дінтану Тәрбие сағаты бойынша оқу-әдістемелік материалдар

Мақсатты; Дін мен дәстүрдің қоғамдағы алатын орны, ұлттық қазынамыз салт-дәстүрлерімізбен таныстырып, рухани байлықты қадірлеп - қастерлеу керектігін түсіндіру, Студенттердің отансүйгіштік қасиеттерін қалыптастыру. Дін мен дәстүр үндескенде дін дамиды, дәстүр байиды. Ал, ұлт діннің рухын сезініп, құндылық ретінде қабылдайды. Баршаға белгілі, ислам діні мен қазақ салт-дәстүрлері ғасырлар бойы өзара кірігіп, ажырамастай болып тамырласып кетті. Біздің рухани құндылықтарымыз – ата дініміз бен ата дәстүріміздің терең тамырлы байланысының тағылымды туындысы. Дін мен дәстүр – қашанда бір-бірімен сабақтас ұғым. Екеуі егіз тақырып десек те болғандай. Дін бар жерде дәстүр, дәстүр бар жерде дін де бар деп айтуға болады. Ислам діні әрбір халықтың, ұлттың өзіндік құндылықтары және ерекшеліктері – әдет-ғұрпына ерекше көңіл бөлген.