Ауа райын болжаудың дәстүрлі және заманауи түрлері

Ауа райын болжау дегеніміз – ауа райын алдын ала ғылыми негізде анықтау. Алдымен синоптикалық процестер (ауа массалары, циклон, антициклон, атмосфералық фронттар және т.б.) анықталады, соның негізінде атмосфералық құбылыстар (жауын-шашын, тұман, боран, т.б.) болжанады. Уақыт ұзақтығына байланысты ауа райын болжау өте қысқа (бірнеше сағатқа), қысқа (1-2 тәулікке), орта (3-10 тәулікке), ұзақ (бірнеше айға дейін) және өте ұзақ (бір жылдан астам) мерзімдерге арналған болып бөлінеді.