Судың маңызы 5 сынып

Су- табиғатта ең көп таралған зат. Сумен жер шарының 3/4 бөлігі қапталған. Атмосферада су бу түрінде кең таралған. Температура суығанда ол шоғырланып,алдымен бұлтқа айналып, кейін жаңбыр немесе қар болып жауады. Өсімдіктер бетіне шық болып қонады. Сондықтан судың ауа райына ықпалы зор. Тұщы су - баға жетпес байлық. Жер шарындағы барлық судың 2% ғана тұщы, ал қалған 98% ащы су. Дүние жүзіндегі тұщы суды пайдалану жыл сайын өсіп келеді. ХХ ғасырдың басында әрбір адам тәулігіне 12-18 л су пайдаланса, қазір 200-300 л пайдаланып отыр. Сондықтан жер бетіндегі тұщы су қорын таза ұстау, оны ластамау, үнемдеп орынды жұмсау әрбір азамзаттың парызы!