“ Ұлттық мұра – ұрпақ тәрбиесінің негізі: ойын, қолөнер және асық технологиясы”

Қазіргі таңда қоғамдағы рухани жаңғыру, ұлттық болмысқа оралу үрдістері – білім беру саласына да жаңаша талаптар қоюда. Ел болашағын тәрбиелейтін мекеме – балабақша. Бұл – баланың тұлға ретінде қалыптасуының алғашқы баспалдағы. Сондықтан да мектепке дейінгі білім мен тәрбиенің мазмұнына ұлттық идея мен ұлттық құндылықтарды енгізу – уақыт талабы. Осы ретте қазақ халқының сан ғасырлық тарихынан сыр шертетін ұлттық ойындар, қолөнер дәстүрі мен асық технологиясы – тәрбиенің негізіне айналуы тиіс. Балабақша жасындағы балалардың зейіні мен қиялы ерекше дамыған кезеңде оларды ұлттық мұрамен таныстыру аса маңызды. Бұл жаста олар ойын арқылы білім алып, ұжымда әрекет етуге, тәртіпке, ең бастысы – адамгершілікке, еңбексүйгіштікке, ата-баба дәстүрін құрметтеуге үйренеді. Әсіресе, ойын түрінде ұсынылған дәстүрлі өнер мен мәдени мұра – баланың жадында ұзақ сақталып, өмірлік тәжірибеге айналады. Ұсынылып отырған 4 «Ұлттық мұра – ұрпақ тәрбиесінің негізі: ойын, қолөнер және асық технологиясы» атты әд