Абайдың “Толық адам” тұжырымдамасы және қазіргі жастардың рухани тәрбиесі

Бұл мақалада Абай Құнанбайұлының “Толық адам” тұжырымдамасы мен оның қазіргі жастардың рухани тәрбиесіндегі орны қарастырылады. Абай ілімі – адамның ішкі жан дүниесін жетілдіру, рухани биікке көтерілу жолы ретінде ұсынылатын құндылықтар жиынтығы. Мақалада “Толық адам” ұғымының негізгі принциптері (ақыл, жүрек, қайрат үйлесімі) қазіргі жастардың жеке тұлғалық қалыптасуына әсер ететін рухани бағдар ретінде талданады. Сонымен қатар, мақалада дәстүрлі рухани құндылықтарды жаңаша қырынан қарастыра отырып, оларды білім беру мен тәрбие жүйесінде қолданудың маңыздылығы айқындалады. Абай мұрасын жастар тәрбиесіне тиімді ендіру жолдары мен мүмкіндіктері талданады.