Әдістемелік құрал Логикалық есептер шығару (оқу-әдістемелік құрал 5- сынып )

Қазіргі білім беру жүйесінің негізгі міндеттерінің бірі – оқушыға дайын білім берумен қатар, оның өздігінен ойлауына, талдауына, салыстыруына, қорытынды жасауына және алған білімін өмірлік жағдаяттарда қолдануына мүмкіндік жасау. Осы тұрғыдан алғанда логикалық есептерді жүйелі түрде шығару оқушылардың танымдық қабілеттерін дамытудың тиімді құралдарының бірі болып табылады. «Логикалық есептер шығару» атты әдістемелік құрал 5-сынып оқушыларының логикалық ойлау қабілетін дамытуға бағытталған. Құралда оқушылардың жас ерекшеліктеріне сәйкес қарапайымнан күрделіге қарай құрастырылған түрлі логикалық тапсырмалар қамтылған. Есептерді орындау барысында оқушылар заңдылықтарды анықтау, салыстыру, талдау, жүйелеу, дәлелдеу, болжам жасау және дұрыс шешім қабылдау дағдыларын қалыптастырады.