Әдістемелік құралдың құрылымы мен мазмұнына баяндама

Қазіргі заманда мектеп жасындағы балалардың арасында сымбат бұзылыстарының (сколиоз, лордоз, кифоз және т.б.) таралуы жиілеп отыр. Бұл, ең алдымен, қозғалыс белсенділігінің төмендеуі, дұрыс отырмау, білім беру үдерісінде ұзақ уақыт бойы қозғалыссыз отыру жағдайлары және гаджеттерді көп қолдану сияқты факторлармен тікелей байланысты. Осындай жағымсыз құбылыстардың алдын алу мақсатында мектептегі дене тәрбиесі сабағында гимнастика жаттығуларын тиімді пайдалану – өзекті мәселе. Әсіресе бастауыш сынып оқушылары үшін бұл жаста ағзаның белсенді дамуы мен дене сымбатының қалыптасу кезеңі болғандықтан, түзету-нығайту жаттығулары ерекше мәнге ие. Мақсаты мен міндеттері.