Әл-Фараби атындағы ҚазҰУ-дың даму стратегиясындағы басқару психологиясының рөлі

Мақалада Әл-Фараби атындағы Қазақ ұлттық университетінің (ҚазҰУ) даму стратегиясындағы басқару психологиясының, әсіресе тұлғааралық қабылдау механизмдерінің рөлі туралы баяндалған. Онда университеттің жоғары беделі, білім мен ғылым саласындағы жетістіктері, студенттердің тұлғалық және кәсіби дамуына жасалған жағдайлар атап өтіледі. Негізгі ой – университеттің ішкі қарым-қатынас мәдениеті мен психологиялық ортасы оның сыртқы беделіне (имиджіне) тікелей әсер ететіні. Студенттер мен оқытушылар арасындағы өзара түсіністік пен сенім – университеттің табысты дамуының маңызды факторларының бірі. Мақала авторлары «Басқару психологиясы» пәні аясында алған білімдеріне сүйене отырып, ұйым ішіндегі тұлғааралық қабылдаудың университеттегі жағымды ахуал мен беделді қалыптастырудағы маңызын бөліседі. Сонымен қатар, ҚазҰУ-дың ғылыми, халықаралық, академиялық мүмкіндіктері де сипатталып, студенттердің осы үдерісте белсенді рөлі ерекше атап өтілген.