Әлемді тану (арнайы курс)

Келешек жас ұрпақты жеке тұлға ретінде дамыту мен тәрбиелеуде, олардың жалпы мәдениетін қалыптастыруда, шығармашылықпен жұмыс істеуге тәрбиелеуде, ғылыми тарихи таным негізінде дүниедегі өз орнын анықтауда, «Әлемді тану» арнайы курсы үлкен рөл атқарады. Сондықтан да жас ұрпақтың бойында тарихи сананы қалыптастыруда, әлемде болып жатқан үрдістерге сыни көзқараспен қарап, әділ баға беруді қалыптастыруда бағдарламаның маңызы зор. Әлемдік жаһандану үрдісі үздіксіз жүріп жатқан заманда, ақпараттық танымдық жүйеде саяси сауатты, озық ойлы,өз елінің ұлттық құндылықтарын бағалай білетін тұлғаларды тәрбиелеу күн тәртібіндегі өзекті мәселелердің бірі болып қала беретіні сөзсіз. Курстың басты мақсаты: дүниежүзіндегі тарихи оқиғалар мен көріністерді адамзаттың әлемдік-тарихи дамуымен байланыстыра отырып, қазіргі заман тарихы оқиғаларының барысы мен салдарын тарихи сипаттау мен талдау тәсілдерін меңгеру.