«Ақтөбе облысындағы туристік бағыттардың мүмкіндіктері», 9 сынып

Бұл ғылыми жобада Ақтөбе қаласындағы жас туристер стансасының жұмыс бағыттары, туған өлкеде ұйымдастырылған спорттық-танымдық жорықтар мен экспедициялар туралы сөз қозғалады. Экологиялық-туристік дағдыларды қалыптастыру, жас туристерде туристік-өлкетану туралы білімдерін шыңдау, дозаланған физикалық күш салу арқылы оқушылардың денсаулығын нығайту, өлкенің әдемі ландшафттарымен танысу, табиғатпен тікелей байланыста болу секілді тақырыптар да назарсыз қалмаған. Туған өлкеде жасалатын саяхаттардың ішкі туризмнің дамуына қосар үлесі зор екенін ескере отырып, бұл жоба жас туристер стансасының үйірме білім алушылары жүріп өткен, зерттеген бағыттарын қамтиды және тәжірибедегі жұмыстар туралы ой өрбітеді. Өлкеміздің тарихи, мәдени, табиғи ескерткіштердің тарихын білу, бағалау жас ұрпақтың өз алдына ерекше тұлға болып қалыптасуында, өз елінің патриоты болуында ерекше рөл атқарады. Сол себепті осы жобада көрсетілген экспедициялар мен жорықтарда тарих пен табиғи көріністерге акцент жасалған.