Ашық сабақ Art and music

Сабақтың негізгі мақсаты: музыкалық аспаптардың атауларын дұрыс айту; ағылшын тіліндегі сөздердің орын тәртібімен сөйлем құрау; музыка тақырыбында қысқа әңгімелер айтып, топпен жұмыс жасау. Сабақ барысында: Кіріспе кезеңінде оқушылар дыбыстарды тыңдап, қандай музыкалық аспап екенін табады. Мұғалім музыкалық аспаптардың түрлерін түсіндіреді: woodwind, string, percussion, keyboard. Тапсырмаларда оқушылар: әріптері араласқан сөздерді дұрыс құрастырады; аспаптарды топтарға бөледі; “Four corners” ойынында аспаптарды дұрыс категорияға сәйкестендіреді. Сергіту сәтінде ән айтып, қимылдар жасайды. Топтық жұмыста “My dream band” тапсырмасы бойынша өздерінің армандаған музыкалық тобын құрып, таныстырады. Жұптық және жеке жұмыстарда суреттермен жұмыс жасап, сөйлемдер құрайды. Сабақ соңында оқушылар өз жұмыстарын бағалап, кері байланыс береді.