Ашық сабақ "Орамал тастау"

Бұл сабақтың мақсаты оқушылардың пәніме деген қызығушылықтарын арттырып, ұлттық ойындар арқылы өз ұлтының әдет–ғұрпын, салт–дәстүрін құрметтеу, төл ойындар арқылы білім деңгейін көтеру. Сабақты бастамас бұрын сыныпта ынтымақтастық атмосферасын қалыптастыру мақсатында «Атом және молекула» тренингін ұйымдастырдым.«Миға шабуыл» әдісі арқылы сұрақтар қойып, жауаптарын талдадық. Ары қарай оқушылармен тапсырмалармен жұмыс жасадым. «Орамал тастау» ойынының тарихымен таныстырдым. Оқушыларды жалаушалар арқылы екі топқа біріктірдім.Топбасшыны сайлау үшін 30 метр қашықтыққа жүгіруді тапсырдым. Кім ең аз уақыт аралығында межеге жеткен болса топбасшы атанатынын айттым. Тапсырманы орындаған екі оқушы топбасшы болып сайланды. Бұл ойынды ХХІ ғасырға лайықтап ойнау керектігін айттым.