Авторлық бағдарлама "Математикалық сауаттылық: Пайызға арналған есептер"

Бүгінгі таңда талап етілетін дағдылардың мәні – заманауи тәсілдің ең негізгі ерекшелігі оқушылардың алған білімдерін жай ғана иеленіп қоймай , оларды орынды жерде қолдана білуіне басты назар аудару болып табылады. Сондықтан да қазіргі кезеңдегі ғылым мен техниканың даму деңгейі әрбір оқушыда терең білім мен іскерліктің болуын, олардың өзіндік ізденісін, жеке шығармашылығын, ойлауға қабілетті болуын талап етеді. Сондай-ақ заман ағымына сай кәсіпкерлік ойлауды мектеп қабырғасынан бастау, «Кәсіпкерлік және бизнес негіздері» пәні 10 және 11 сынып оқушыларының оқу бағдарламасына енгізуін де айта кетуге болады.Аталмыш пән қолданбалы курс негізімен тығыз байланысты деген ойдамын.