Бастауыш сынып оқушыларының функционалдық сауаттылығын қалыптастырудағы тиімді әдіс-тәсілдер

Қазіргі заман талабына сай білім беру жүйесі оқушылардың білімді жай ғана меңгеруін емес, оны өмірлік жағдаяттарда тиімді қолдана білуін қамтамасыз етуді көздейді. Осыған байланысты бастауыш сынып кезеңінде функционалдық сауаттылықты қалыптастыру – білім берудің басты бағыттарының бірі. Себебі бастауыш буын – баланың оқу дағдыларының, ойлау мәдениетінің, коммуникативтік қабілеттерінің қалыптасатын негізгі баспалдағы. Функционалдық сауаттылық — оқушының алған білімін күнделікті өмірде қолдана алуы, сын тұрғысынан ойлауы, ақпаратпен жұмыс істей алуы, түрлі жағдаяттарды шешуде шығармашылық таныта білуі.