Бастауыш сынып оқушыларының логикалық ойлау қабілеттерін дамыту

Аннотация Мақалада бастауыш сынып оқушыларының логикалық ойлау қабілеттерін дамытуға бағытталған авторлық бағдарламаның мазмұны мен оны жүзеге асыру жолдары қарастырылады. Бағдарлама оқушылардың ойлау операцияларын (талдау, жинақтау, салыстыру, жалпылау, қорытынды жасау) дамытуға, танымдық белсенділігін арттыруға және оқу үдерісінде алған білімдерін өмірлік жағдаяттарда қолдана білуге бағытталған. Зерттеу барысында ойын технологиялары, логикалық тапсырмалар және проблемалық оқыту әдістері тиімді құрал ретінде ұсынылады. Түйін сөздер: логикалық ойлау, бастауыш сынып, авторлық бағдарлама, танымдық қабілет, ойын технологиясы. Кіріспе Қазіргі білім беру жүйесінде оқушының тек білім алуымен шектелмей, оның логикалық ойлау қабілетін, шығармашылық және сыни тұрғыдан ойлау дағдыларын дамыту басты міндеттердің бірі болып отыр. Әсіресе бастауыш сынып кезеңі – баланың ойлау қабілетінің қалыптасуы мен дамуының ең маңызды кезеңі. Осыған байланысты бастауыш сынып оқушыларының логикалық ойлауын жүйел