Бастауыш сыныпта жаңа әдіс-тәсілдерді пайдалану арқылы оқушының математикалық сауаттылығын арттыру

Бастауыш білім беру — баланың жалпы дамуындағы алғашқы әрі ерекше маңызы бар кезең. Бұл уақытта оқушының тұлғалық, әлеуметтік және танымдық қасиеттері қалыптаса бастайды. Әсіресе 3-сынып оқушылары оқу әрекетінің негізгі дағдыларын алғаш рет саналы түрде меңгеретін, өзіндік көзқарасын қалыптастыратын, қоршаған әлемді тануға деген ынтасы оянып, тұрақтана түсетін кезеңде болады. Сондықтан осы жастағы білім алушылардың ойлау белсенділігін, танымдық дербестігін және шығармашылық мүмкіндіктерін жүйелі түрде дамыту педагогикалық үдерістің маңызды міндеттерінің бірі болып табылады. Қазіргі таңда білім беру жүйесі қарқынды өзгерістерге ұшырауда. Инновацияларды енгізу, оқыту технологияларын жаңарту, цифрлық ресурстарды тиімді пайдалану — заман талабы. Дәстүрлі оқыту әдістерімен қатар баланың жеке ерекшеліктерін ескеретін, оны білім алуға қызықтыратын, ізденіске жетелейтін, проблемалық жағдайлар арқылы ойлануға мүмкіндік беретін әдіс-тәсілдер ерекше қолданысқа ие болды. Мұндай тәсілдер оқушының о