Бастауыш сыныптарда математика сабағынан функционалдық сауаттылықты дамыту

«Бастауыш сыныптарда математика сабағынан функционалдық сауаттылықты дамыту» атты бұл әдістемелік құрал жалпы білім беретін мектеп мұғалімдеріне, жас мамандарға және әдіскерлерге арналған. Құралдың басты мақсаты – бастауыш сынып оқушыларының математикалық білімдерін өмірлік жағдайларда қолдануға үйрету, логикалық және сыни тұрғыдан ойлау қабілетін дамыту, оқу үдерісін практикалық дағдылармен ұштастыру. Әдістемелік құралда функционалдық сауаттылық ұғымының теориялық негіздері мен оның бастауыш мектептегі міндеттері қарастырылған. Сонымен қатар математика сабақтарында қолдануға болатын тиімді әдіс-тәсілдер, өмірлік жағдаяттарға негізделген есептер үлгілері, ойын және жобалық тапсырмалар, АКТ-ны пайдалану мүмкіндіктері ұсынылған. Мұғалімдерге арналған әдістемелік нұсқауларда оқушылардың жас ерекшеліктерін ескеру, деңгейлік тапсырмалар беру, бағалау жүйесін жетілдіру жолдары көрсетілген.