Бейнелеу өнері – инклюзивті ортадағы шығармашылық дамудың құралы»

Қазіргі таңда қоғам дамуының маңызды бағытының бірі – білім беру жүйесінде инклюзивті ортаны қалыптастыру. Инклюзивті білім – әр баланың мүмкіндігіне қарамастан, тең дәрежеде сапалы білім алуына жағдай жасау. Ерекше қабілетті балалар үшін арнайы бейімделген бағдарламалардың болуы – олардың өмірде өз орнын тауып, шығармашылық әлеуетін ашуға мүмкіндік береді. Бейнелеу өнері мен қолөнер – баланың тек эстетикалық талғамын қалыптастырушы құрал ғана емес, сонымен қатар оның жеке тұлғалық дамуына, танымдық қабілеттерінің өсуіне, әлеуметтік ортаға бейімделуіне ықпал ететін маңызды фактор. Әсіресе, 7–9 жас аралығындағы балалар үшін шығармашылық іс-әрекет – ойлау қабілетін жетілдіру, ұсақ қол моторикасын дамыту, эмоционалды жағдайын тұрақтандырудың тиімді жолы болып табылады. Инклюзивті ортада бейнелеу өнерімен айналысу – баланың өзін-өзі тануына, өзіндік көзқарасын білдіруіне, ішкі жан дүниесін шығармашылық тіл арқылы жеткізуіне жол ашады. Бұл балаларға ерекше қолдау мен түсіністік қажет. Сонды