БОЛАШАҚ ҰРПАҚТЫҢ БОЙЫНДА ҰЛТТЫҚ ПАТРИОТИЗМ СЕЗІМІН ҚАЛЫПТАСТЫРУ ЖОЛДАРЫ

Балабақшада берілетін тәрбие – барлық тәрбиенің бастамасы, әрі жан – жақты тәрбие мен дамыту ісінің түпкі негізін қалайтын орын. Бала бойындағы жақсы қасиеттер мен мүмкіндіктерді ашып олардың өнегелі, тәрбиелі болып өсуіне балабақша ошағының тигізер әсерінің маңызы зор. Жас жеткіншектердің тәрбиелі де білімді болып, жеке тұлға ретінде қалыптасуына «Балалардың бойында рухани –патриоттық сана сезімді қалыптастыру» бағыты бойынша жүргізілетін жұмыстар маңызды орынды алып отыр. Мемлекеттік мектепке дейінгі тәрбие мен оқыту ережелерінің жаңа стандартының бес білім саласының талаптарына сай, балабақшаларда ата-бабамыздың асыл мұрасын, өнер мен өнегедегі үлгілерін бала бойына сіңіре отырып, жан– жақты тәрбиелеу мақсатында білім беру бағдарламалары негізінде жұмыс жүргізілуде.