«Футбол ойыны мен мидың когнитивті қабілеттерінің байланысы»

Қазіргі таңда білім беру жүйесінде оқушының тек академиялық жетістігімен ғана шектеліп қалмай, оның жеке тұлғалық, когнитивті және эмоционалды қабілеттерін дамыту басты бағыттардың біріне айналып отыр. Осы тұрғыдан алғанда, спорт пен білімнің өзара байланысы, оның ішінде футбол ойыны мен адамның ми қызметінің қарым-қатынасын зерттеу – өзекті әрі болашағы зор бағыт. Бұл бағдарламада футбол ойынының адам миына, әсіресе когнитивті процестерге (зейін, есте сақтау, шешім қабылдау, стратегия құру, кеңістікті бағдарлау) әсері жан-жақты қарастырылады. Футбол – жай ғана спорт емес, бұл – жылдам ойлануды, жағдайды тез талдауды, нақты әрі шапшаң шешім қабылдауды талап ететін интеллектуалды ойын. Ойын барысында футболшы әрбір сәтте күрделі шешімдер қабылдап, кеңістікті бағдарлап, командалық өзара әрекетке тез жауап беруге мәжбүр болады. Мұндай жағдайлар мидың белсенді жұмысын талап етеді, нәтижесінде когнитивті қабілеттер күшейе түседі. Осы бағдарлама дәл осы процестердің табиғатын түсіндіріп, оқу