"География сабағында оқушылардың функционалдық сауаттылығын дамыту" әдістемелік нұсқаулық

География сабағында оқушылардың функционалдық сауаттылығын дамыту» тақырыбындағы әдістемелік нұсқаулық қазіргі білім беру жүйесінің негізгі талаптарына толық сәйкес келеді және өзекті мәселені қамтиды. Қазіргі жаһандану жағдайында оқушылардың алған білімін күнделікті өмірде, әлеуметтік-экономикалық және экологиялық жағдайларды талдауда тиімді қолдана білуі ерекше маңызға ие. Осы тұрғыдан алғанда функционалдық сауаттылықты дамыту – география пәнінің басты міндеттерінің бірі. Нұсқаулықта географиялық білімді өмірмен байланыстыру, картамен, диаграмма, статистикалық деректермен жұмыс жасау арқылы оқушылардың сыни ойлау, талдау, салыстыру және шешім қабылдау дағдыларын қалыптастыру мәселесі алдыңғы қатарға қойылған. Бұл мазмұн PISA, TIMSS сияқты халықаралық зерттеулер талаптарымен үндесіп, білім алушылардың бәсекеге қабілеттілігін арттыруға бағытталған.