Ғылыми жоба М.Жұмабаевтың Түркістан өлеңіндегі ұлттық рүх

Бұл тақырыпты таңдаудағы мақсатым – Мағжан Жұмабаев шығармаларындағы Түркістан бейнесінің мәнін ашып, оның ақынның ұлттық рух, елдік сана және түркілік идеяларымен байланысын көрсету. Мағжан үшін Түркістан – жай ғана тарихи мекен емес, ол – түркі халықтарының алтын бесігі, ата-баба мұрасы, ұлттық рухтың символы. Ақын «Түркістан» өлеңінде көне тарихты, батыр бабаларды, түркі дүниесінің бірлігін жырлай отырып, жас ұрпақты елін, жерін сүюге үндейді. Зерттеу барысында Мағжанның Түркістанды суреттеудегі көркемдік тәсілдеріне және ұлттық құндылықтарды жеткізу ерекшелігіне назар аудардым. Қорытындылай келе, Мағжанның Түркістаны – өткен тарихтың ғана емес, бүгінгі ұрпақтың ұлттық санасын қалыптастыратын рухани құндылық деп есептеймін.