«Жаттығуларды жүйелі орындау арқылы оқушылардың шыдамдылық дағдысын дамыту»

Қазіргі қоғамда жас ұрпақтың дене тәрбиесін жетілдіру, салауатты өмір салтын қалыптастыру, шыдамдылық пен төзімділікті дамыту – басты міндеттердің бірі. Әсіресе жасөспірім кезеңіндегі оқушылардың денсаулығы, психологиялық тұрақтылығы және физикалық дайындығы олардың болашақ өмірлік табысының негізі болып табылады. Дене шынықтыру пәні – оқушылардың қозғалыс дағдыларын жетілдіретін ғана емес, олардың тұлғалық дамуына, жауапкершілігіне, табандылығына ықпал ететін маңызды пән. Шыдамдылық – адамның ұзақ уақыт бойы белгілі бір физикалық немесе психикалық жүктемеге төтеп бере алу қабілеті. Оқушылар үшін шыдамдылық тек қана дене шынықтыру жаттығуларына қатысты емес, ол олардың оқудағы, өмірдегі қиындықтарды жеңу дағдыларымен де байланысты. Сондықтан шыдамдылықты дамытуға бағытталған жүйелі жаттығулар – мектеп жасындағы балалар үшін аса маңызды. 9-сынып оқушыларының жас ерекшеліктеріне тоқталсақ, бұл кезең – жасөспірімдердің ағзасы қарқынды дамып, өзіндік «Менін» қалыптастыратын шақ. Дәл осы уа