Кейіпкерлер бейнесін ашу

Бұл бағдарлама 1-4 сынып оқушыларының әдеби шығармаларды терең түсінуіне, талдауына және сахналау арқылы шығармашылық қабілеттерін дамытуға бағытталған. Бағдарлама мазмұны жалпы сағат саны: 34 сағат теориялық жұмысқа – 17 сағат, практикалық жұмыстарға – 17 сағат бөлініп, 34 (ҚМЖ) сабақ жоспарлары құрастырылды. Теориялық бөлім (17 сағат) – әдеби шығармаларды оқу, талдау, кейіпкерлерді зерттеу, көркемдік құралдармен жұмыс жасау. Практикалық бөлім (17 сағат) – мәнерлеп оқу, диалогпен жұмыс, рөлдік ойындар, сахналау, қойылымдар дайындау қарастырылған. ҚР БҒМ стандарттарына сәйкес жасалынған. Бұл бағдарлама оқушыларды әдеби шығармалармен тереңірек таныстырумен қатар, олардың шығармашылық және актерлік қабілеттерін дамытады, эмоциялық интеллектті арттырады және өмірлік дағдыларды қалыптастырады. Жаңашыл әдістерді қолдану арқылы оқушыларға әдебиетке деген сүйіспеншілікті қалыптастыру мен өзін-өзі шығармашылық тұрғыдан дамыту мүмкіндігі беріледі.