Коучинг: Ойын әдістері арқылы сөйлеу және сауаттылықты арттыру

Мектебімізде «Ойын әдістері арқылы оқушылардың сөйлеу және сауаттылық дағдыларын арттыру» тақырыбында коучинг өткізілді. Коучингтің мақсаты – мұғалімдерге сабақ барысында ойын технологияларын тиімді қолдану арқылы оқушылардың тілдік дағдыларын дамыту жолдарын көрсету. Іс-шара барысында қатысушылар түрлі ойын әдістерімен танысып, практикалық тапсырмалар орындады. Атап айтқанда, «Сөз құра», «Сөйлемді жалғастыр», «Қате тап», «Рөлдік ойын» сияқты әдістер арқылы сөйлеу белсенділігін арттырудың тиімді жолдары қарастырылды. Коучинг соңында мұғалімдер өз тәжірибелеріне енгізуге болатын жаңа тәсілдермен бөлісіп, кері байланыс жасады. Бұл жұмыс оқушылардың қызығушылығын арттырып, олардың сауатты әрі еркін сөйлеуіне ықпал етеді.