логикалық сыни және кеңістіктік ойлауды дамытуға арналған бағытталған тапсырмалар

Түсінік хат Бағдарламаның өзектілігі. Қазіргі білім беру жүйесінде бастауыш сынып оқушыларының тек қана есеп шығару дағдыларын қалыптастырумен шектелмей, сонымен бірге логикалық, сыни және кеңістіктік ойлау қабілеттерін дамытуға айрықша назар аудару қажеттігі туындап отыр. Әлемдік білім кеңістігі оқушылардан тек теориялық білім емес, оны өмірлік жағдаяттарда тиімді қолдана білуін талап етеді. Сондықтан математика пәнінде дәстүрлі есептермен қатар, оқушының шығармашылық ойлауын, деректерді талдауын, қорытынды жасауын дамытатын тапсырмаларға ерекше мән беру маңызды. Логикалық ойлау – дәлелдеу, салыстыру, себеп-салдар байланысын табу арқылы жетілсе, сыни ойлау – деректерді бағалау, күмәндану, балама шешімдерді іздеумен қалыптасады. Ал кеңістіктік ойлау – фигураларды елестету, геометриялық формаларды модельдеу арқылы дамиды. Осы үш бағытты біріктіре отырып құрылған бағдарлама бастауыш сыныптағы математика оқытуда жаңа сапа қалыптастыруға ықпал етеді.