Математика және табиғат

Ғылыми жоба "Математика және табиғат" тақырыбында жазылған. Математика адамзат тарихында тұрмыстық мұқтаждықты қанағаттандыру мақсатында пайда болған ең алғашқы ғылым. Олай дейтініміз адамзат өзін айнала қоршаған ортадан күнкөрістік тағамдық заттардың қорын жинағанда олардың мөлшерін білу үшін санауға мәжбүр болған. Санаудың нәтижесінен сан ұғымы қалыптасқан. сонымен, сан адамзаттың ақыл - ойының жалаң туындысы емес, тұрмыстық қажеттіліктерінен бастау алған ұғым. Сандар математика ғылымының түп қазығы..Кез-келген нақты объектіні формулалық тілмен сипаттау арқылы оның математикалық моделімен байланыстыруға болады. Осылайша, табиғат тілін математикалық тілге аударып, кез-келген құбылыстың құрылымын, оның өзара байланысын зерттеп, кейіннен оқиғалардың дамуын болжауға болады.Математиканы "ғылым патшайымы"деп бекер айтпаған.