«Мұқағали Мақатаев поэзиясына саяхат» атты Әдеби- сазды кеш сценарии

Қысқа ғұмыр ішінде халқына, поэзияда өзіндік өшпес із қалдырған ақиық ақыны М.Мақатаевтың өмірімен, шығармашылық еңбегін оқушыларға таныстырып сезіндіру біздің, тіл мамандарының міндеті деп білемін. Мұқағали — өзіне дейінгі өлең өру мен жыр сомдаудағы қазақ халқының ұлттық мектептері мен дәстүрлерін жалғап қана қоймай, оны жан-жақты дамытқан, тереңдеткен, қазақтың өлең-сөзін жаңа заңғарларға көтерген, жаңа кеңістіктерге алып шыққан жиырмасыншы ғасырдың санаулы саңлақтарының бірі, қазақ халқының әдебиетін жалғастырған ғасыр ақыны. Мұқағалиді тілі шыққан сәбиден бастап, тізерлеген қарттарға дейін білгені абзал.