Оқушылардың сөйлеу мәдениетін қалыптастыру жолдары

Қазіргі таңда білім беру жүйесінің басты міндеттерінің бірі – жеке тұлғаның жан-жақты дамуына жағдай жасау. Бастауыш сынып оқушыларының тұлғалық қасиеттерін қалыптастыруда сөйлеу мәдениетінің алатын орны ерекше. Сөйлеу мәдениеті – баланың тұлғалық дамуына, қоғамда өз орнын табуына, өз ойын еркін әрі сауатты жеткізуіне мүмкіндік беретін негізгі дағды. Бастауыш сынып оқушысының дұрыс сөйлеуі – тек білімнің көрсеткіші емес, сонымен қатар оның тәрбие деңгейінің де көрінісі. Осыған байланысты оқушының сөйлеу мәдениетін қалыптастыру – мұғалімнің күнделікті жұмысындағы маңызды бағыттардың бірі болып табылады. Осы жұмыста бастауыш сынып оқушыларының сөйлеу мәдениетін қалыптастыру жолдары, әдістері, ерекшеліктері және нәтижелері қарастырылады.