Өркениетті мемлекет болу үшін не істеуіміз қажет?

Өркениетті мемлекет – ең алдымен адал азаматтардан құралған қоғам. Адалдық бар жерде сенім, әділдік және тұрақтылық болады. Ал бұл құндылықтарсыз ешбір елдің дамуы мүмкін емес. Мектеп тәлімгері ретінде мен өркениетті қоғамның негізі баланың жүрегіне сіңген адал тәрбиеден басталатынын үнемі еске саламын. Адалдық – тек өтірік айтпау емес, ол өз ісіне жауапкершілікпен қарау, біреудің еңбегін бағалау, қоғам мүддесін жеке бастың пайдасынан жоғары қою. Егер әрбір азамат өз міндетін адал атқарса, мемлекет те қуатты болады. Сондықтан адалдықты жас кезден қалыптастыру – стратегиялық маңызы бар іс.